NAGA CITY – Pinahigot pa kan Sipocot Municipal Police Station, an saindang presensya ngunyan na Black Saturday, asin mapadagos hasta sa Eastern Sunday o Aldaw nin Pagkabuhay.
Komo parte kan saindang seguridad na lakdang, nagpuon an ahensya sa pagsagibo nin regular na pagpapatrolya asin pag-iikot, orog na sa mga matatawong lugar siring kan mga resort, komo parte kan kampanya para sa kasalbadohan asin kaayusan kan publiko hasta sa pagtapos kan Semana Santa.
Mientrastanto, nagheras man an mga kapulisan nin mga pagirumdon asin impormasyon dapit sa crime prevention sa mga may-sadiri kan resort asin mga bisita tanganing mamantinir an kasalbadohan kan gabos asin makalikay sa anuman na klase kan krimen.
Pig-enkaminar pa ka hepatura an gabos nin namamanwaan asin turista na maging mapagmatyag, responsable, asin pirming magsunod sa mga ipinauutob na alituntunin.
An kooperasyon kan lambang saro an importante tanganing mamantinir an katuninongan, kaayusan, asin kasalbadohan kan bilog na komunidad hasta sa matapos an Semana Santa.
