Padagos na nag-aatubang An sektor nin agrikultura sa syudad nin Naga nin manlaen-laen na angat sa tahaw kan naglalangkaw na gastos sa produksyon, pagbaba kan presyo kan mga pananom, asin luway-luway na paggurang kan populasyon nin mga paraoma.
Sa intrevista kan Bombo Radyo Naga ki Ernest Asence III (Acting Agriculturist, Ciudad nin Naga), sinaysay kaini na nag-iit na sa poco mas o menos 2,000–3,000 ektarya an kadagaan sa pag-oma gikan sa total na 8,448 ektarya kan ciudad. An pangenot na pananom iyo an mais (1,300 ha) asin paroy (635 ha), na suportado kan mga 2,000 na rehistradong paraoma.
An sektor napapaatubang sa halangkaw na presyo nin abono, hababang presyo nin pananom, asin kakulangan nin mga trabahador huli sa naggugurang na populasyon nin mga paraoma. An sueldo sa oma aroaldaw uminabot man sa ₱500.
An conversion kan daga nagpapadagos man sa 1.4% kada taon huli sa urbanisasyon, dawa ngani an mga daga na may patubig protektado.
Bilang simbag, an programa kan SARIG pig-iimplementar na may zero-interest na mga pautang, asin an pag-iba-iba kan mga pananom, urban gardening, asin mga aktibidad na nagtatao nin halaga pigpapauswag tanganing madagdagan an kita kan mga paraoma.
