Sekyu kan Cam Sur provincial govt, irido makalihis na makasalpukan an motorsiklong minamaneho nin soldados

NAGA CITY- Idinalagan sa ospital an security personnel kan provincial government kan Camarines Sur makalihis an nangyaring salpukan nin duwang motorsiklo sa banwaan nin Pili, Camarines Sur.

Binisto ini na si Manuel Sacro Jr., 29-anyos.

Sa nakuang impormasyon kan Bombo Radyo Naga hale sa Pili-PNP, napag-araman na inokupar ni Sacro an linya kan motorsiklong minamaneho ni PFC Ferdinand Ignas Jr., 30-anyos na binabagtas an pa-norteng direksyon sa Barangay Caroyroyan.

Nagresulta ini sa pagkakabangga ni Sacro sa motorsiklo ni Ignas asin nagsapo nin menor na lugad sa saiyang lawas.

Napag-araman na mayong sulot na helmet si Sacro kan mangyari an insidente asin pigtutubudang yaon ini sa impluwensya nin arak.