NAGA CITY- Nagin matrayumpo an selebrasyon kan Eid’l Adha kan Muslim Community sa siyudad nin Naga ngunyan na taon.
Sa entrevista kan Bombo Radyo Naga ki Haron Geroy an Presidente kan Muslim Community sa Naga City, sinaysay kaini na kasuudma, aldaw nin Dominggo pa tapos an saindang selebrasyon kan Eid’l Adha.
Katakod kaini, pigpaliwanag ni Geroy na dae pwedeng sunudon an national holiday na pigdeklarar kan gobierno nin huli ta aldaw talaga nin Dominggo nakatakda an selebrasyon basado man sa Islam na pagtubod.
Sigun pa ki Geroy dakulang selebrasyon an Eid’l Adha nin huli ta ini an pagrumdom sa mga nangyari kan panahon na buhay pa si Propeta Abraham na inatang an saiyang solong aki na si Ismael.
Apwera pa digde, an nasambitan ng aktibidad an pagpapagirumdom sa mga Muslim sa tradisyon na ginigibo sa Islam an dae dapat mabago sa ngunyan asin sa maabot na panahon.
Dapat dae man soboot ma-enkaminar an mga jovenes na magin taliwas sa pagsunod ki Allah.
Mientrastanto, nagkaigwa man nin kadikit na kaogmahan pero dae man nahaloy asin an saindang fasting an pigsagibo kan nakalihis na Sabado.
Sa ngunyan, liwat giraray pig-enkaminar ni Geroy an kapwa Muslim na ipadagos an mga tradisyon na saindang nadakulaon ngunyan asin sa maabot na panahon.
