NAGA CITY- Pigkokonsederar kan simbahang katoliko na an selebrasyon kan kafiestahan ni Ina Peñafrancia ngunyan na taon an maikokonsederar na special nin huli ta ngunyan na 2024 an ika-100 na Canonical coronation ni Our Lady of Peñafrancia.
Sa entrevista kan Bombo Radyo Naga ki Rev. Fr. Joey D. Gonzaga, Rector kan the seminary, sinaysay kaini na kadakol na mga aktibidad na an pigpuonan sa bilog na siyudad nin Naga katakod kan Peñafrancia festivities na madurar hasta sa Setyembre 22, 2024 an mismong aldaw kan Kafiestahan.
Katakod kaini, sa maabot na Biyernes isasagibo an Traslacion, petsa 20 an reenactment kan Koronasyon ki Ina asin an Fluvial Procession sa maabot na Setyembre 21, 2024.
An mga nasambitan ng aktibidad an maikokonsederar na highlight kan Festivities na dapat antabayanan asin makisumaro an gabos na mga deboto.
Apwera digde, ngunyan na taon, pig-restore man an Imahe ni Divino Rostro siringman ni Our Lady of Peñafrancia tanganing pakarhayon an pirang dekada naman na wangis kan mga ini na nag-agi sa manlaen-laen na panahon.
Mientrastanto, pigsaysay man ni Fr. Joey na dagos an selebrasyon kan Peñafrancia Fiesta maski igwang huma kan kalamidad.
Alagad, kaipuhan pa man giraray na enoton an safety kan gabos asin mag-isip na sana nin iba pang alternatibong paagi tanganing maiselebrar an nasambitan ng event.
Sa ngunyan, pig-enkaminar na sana ni Fr. Joey an gabos na magdalan kan exhibit dapit sa mga pinag-agihan kan Imahe ni Ina Peñafrancia.
