Ipigheras an huring naaraman na lokasyon ni Senato Ronald “Bato” dela Rosa sa Mindanao area segun sa Department of the Interior and Local Government (DILG) Secretary Jonvic Remulla.
Kasabay kaini, mahigot na pinahimutikan kan jefe kan DILG an osipon na nadakop si Dela Rosa katakod kan mandamiento de aresto hale sa International Criminal Court (ICC).
Segun sa sekretaryo, pigbeberipika na kan mga otoridad an nasabing report alagad mayo man nin nakuang basehan sa mga sinasabi na inaresto an mambabatas.
Pigsierto ni Remulla na susunudon kan mga awtoridad an legal na proseso kabali na an pag-book asin pagpresentar sa senador sa sarong lokal na korte bago ini magin subject of extradition.
Magigirumduman na nagtago an mambabatas poon kan magluwas ini sa lugar kan Senado sa Pasay makalihis an insidente nin pambabadil kan Mayo.
Si Sen. Bato sa ngonian igwa nin mandamiento de aresto gikan sa ICC komo mga soboot co-perpetrator ni dating Presidente Rodrigo Duterte sa sarong Crimes Against Humanity Case na may relasyon sa mga soboot killings sa irarom kan war on drugs kan administrasyon ni Duterte.
