Naghahagad agap sa Korte Suprema si Senator Ronald ‘Bato” Dela Rosa tangani magluwas nin Temporary Restraining Order kontra sa implementasyon kan arrest warrant na iniluwas sa saiya kan International Criminal Court (ICC).
Pigsunad kan Senador an manifestation komo urgent sa SC.
Saro soboot ining follow-up sa pending petition for certiorari and prohibition na pigsunad na man kaini asin ni dating Presidente Rodrigo Duterte kan nakalihis na Marso 11, 2025 kontra ki Executive Secretary Lucas Bersamin huli sa pag-arestar asin paglipat ki Duterte sa the Netherlands.
Hinagad man ni Dela Rosa sa Supreme Court na maggibo nin judicial notice sa pagsiwalat ni Ombudsman Jesus Remulla na igwang warrant of arrest na gikan sa ICC si Dela Rosa.
Kaiba man na hinagad kan senador na atasan kan supreme court si Remulla na ipahiling asin iluwas an sinasabi kaining arrest warrant gikan ICC na nasa saiyang cellphone soboot.
Magigirumdumang si Dela Rosa an PNP chief kan panahon ni Duterte kan ipautob an mahewasang war on drugs.
