Nakatalaang magsumiter si Senate Blue Ribbon Committee Vice Chairperson Sen. Erwin Tulfo nin sarong resolusyon na obhetong busision asin reviewhon an Republic Act 4566 o mas bistado komo Contractor’s License Law na iyong binilog kan Philippine Contractors Accreditation Board (PCAB) komo licensing body para sa mga contruction contractors.
Sigun sa senador, obheto kan gigibuhong review na aramon kun kinakaipuhan ba kan ley na magsairarom sa sarong pagbabago asin kun kaipuhan ining amyendahan partikularmente na sa mga probisyong nakapalaog digde.
Dae soboot kaini maisip kun pano naipasar an nasambitan ng ley orog na kun malinaw man na pansadiring interes sana an laog kan mga probisyon sa irarom kaini.
Sa irarom kaya kan RA 4566, an sulamenteng pwedeng magin parte sana kan PCAB Board of Directors iyo an mga contractors na nasa irarom na kan mga proyekto kan gobyerno.
Maikokonsiderar man soboot na sarong ‘conflict of interest’ an nangyayari sa laog kan board orog na kun sinda mismo an miyembro asin contractors kan mga proyektong pig-iimbestigaran ngunyan kan senado.
Pigtawan-duon pa ni Tulfo na oras na tanganing magsairarom sa sarong reporma an PCAB law huli ta dae na kaini nagagampanan pa an dapat kudta ng trabaho kaini na protehiran an publiko gikan sa korapsiyon.
Mientrastanto, ngunyan na Lunes man piglalaoman na isusumiter ni Tulfo an resolusyon komo parte pa man kan pagsirip kan senado sa mga maanomalyang flood control projects sa nasyon.
