Nanindugan si Senator Grace Poe na dapat magsairarom sa mas hararom pa na maintenance asin magpautob nin mas pinakusog na safety protocols an mga rail systems sa nasyon makalihis an haros sunod-sunod na aberya sa mga tren kan Metro Rail Transit (MRT) asin kan Light Rail Transit (LRT) kan mga nakalihis na aldaw.
Sigun sa senador, an sunod-sunod na aberya an nagpapahiling sana na dapat dae pinapabayaan an mga operasyon asin lalo na an mga maintenance kan mga tren.
Nagkapirang mga insidente kaya gikan sa mga nakalihis na aberya an kinababalihan kan mga isyu sa burning wire, hazard na pwedeng magbugtak sa mga pasahero sa peligro.
Bagaman, pig-aako asin pagsuportaran kan nasyon an mga bagong development sa railway system, an pag asegurar kan kasalbaduhan kan mga pasahero an dapat na mas prayoridad kan mga transport authorities asin magin kan mga operators.
Mientrastanto, marurumduman man na si Poe an nagin Chairperson kan Senate Public Services Committee kun saen ipinagtibay kaini an mga dugang regular na inspeksyon asin preventive maintenance tangani malikayan an mga siring na klase nin disruptions sa mga pampublikong transportasyon.
