Niranihan soboot kan pirang mga senador si Senator Imee Marcos tangani inkaminaron na kumandidato sa pagka-Senate president sa 20th Congress.
An pahayag kan lehislador na alok sa saiyang lumaban sa Senate presidency ay sa tahaw na man kan posibleng pagbabago nin liderato sa masunod na Kongreso.
Sigun ki Sen. Marcos, sisay man an iluklok kan saiyang mga kaibahang senador na Senate president, nagtitinir an pangangaipuhan na panahon na tangani magkaigwa nin congressional reforms.
Tinukoy kan senadora an reporma sa budgetary process kun saen pinapauntok kaini an kwestyunableng proseso sa bicam mantang pigpapatama an mga prayoridad sa paggastos, pagkunsiderar sa fiscal deficits asin an dakulang utang kan nasyon.
Dagdag pa sa mga dapat na maisabatas iyo an food security, suporta sa mga paraoma asin parasisira, edukasyon, salud, social services asin magin man electoral reforms.
