Maduon na pigpahimutikan ni Senator Imee Marcos na ini an pasimuno sa bantang kudeta sa liderato ni Senate President Tito Sotto III.
Pigtawan duon kan senadora na bako ini an nagkumpas sa pagpurbar na balasahan sa Senado asin bilog na minorya soboot an mapatotoo digde.
Katunayan, huri na ining nakaaram asin nakibali na sana sa nasambitan ng lakdang kan minorya na ibusol an pagriribay nin liderato.
Katwiran ni Sen. Marcos, an nagpaugong kan pagriribay kan Senate President sa loob kan Senado an huli sa pagkahadit kan mga senador na natatanyog an saindang institusyon huli sa mga kaso asin kontrobersiyang bako man dapat an mga senador an manimbag.
Pigpunto pa ni Sen. Imee na bakong dakulang bagay sa saiya an mga diskurso asin dae pagkakaintindihan basta ini an nasa tamang rason kaya man labi an saiyang pagpapasalamat ki Sotto kan isugo an saiyang pagtinir komo Chairman kan Committee on Foreign Relations maski dae ini kabali sa mayorya.
Marurumduman, naenot nang sinaysay ni Sotto na saro sa nag-trigger kan coup d’etat attempt kontra sa saiya an pagkakahali ki Sen. Imee komo Chairman kan Senate Committee on Foreign Relations.
