Mapakol sa haros P245 million an net worth o kabilogang yaman ni Senate President Pro Tempore Ping Lacson ngunyan na 2025.
Basado sa saiyang iniluwas na net worth, nagpakol sa P244,940,509.60 an kabilogang yaman ni Lacson kan nakalihis na June 30, 2025 kan magbweltada ini sa Senado – harayo sa P58, 771, 409.62 kan nakalihis na June 30, 2022 kan maghali ini sa Senado komo senador.
Sigun sa senador, an paglangkaw kan saiyang yaman an huli kan lehitimo asin matrayumpo na mga negosyo sa real estate asin trading na saiyang linaog kaibahan an duwang business partners makalihis ining magretiro paramientras sa pulitiko kan taong-2022.
Basado man sa saiyang Income Tax Return (ITR), nagbayad ini nin P4,817,265 para sa taxable year 2021, asin P11, 834, 033.37 para sa taxable year 2024 – indikasyon kan dakulang paglangjaw sa saiyang kita sa nakalihis na tolong taon.
Pigsierto man ni Lacson na matao pa ini nin dugang na detalyes dapit sa saiyang 2025 SALN, kaibahan an mga ITR para sa 2023 asin 2024 sa oras na makumpleto an mga dokumento.
