Pigkumpirmar ni Sen. Risa Hontiveros na nakakua sinda nin impormasyon na nakaluwas kan nasyon si dating Bamban, Tarlac Mayor Alice Guo o Guo Hua Ping.
Ini an pig-anunsyar mismo ni Hontiveros makalihis ma-validate an pangyayari.
Enot naman na pigsaysay ni Sen. Sherwin Gatchalian, na nagtutubod sinda na apwera sa regular na agihan igwa pang paagi tanganing makahali nin Pilipinas an dating alkalde.
Marurumduman, pigkumpirmar kan National Bureau of Investigation na sarong tawo sana si Guo asin Chinese passpeort holder na si Guo Huang Ping.
Pigsaysay pa ni Gatchalian na kan nakalihis na bulan, ginagamit ni Guo an saiyang Chinese asin Philippine passports puon 2008 hasta 2011.
