Binalangkas na kan Mataas na Kapulungan an guidelines na gagamiton asin man susundon para sa isasagibong impeachment trial kontra ki Vice President Sara Duterte.
Pinangenutan ni Senate Spokesperson Atty. Arnel Jose Bañas an pag uulay kaiba an Senate media tangani man mapag-uulayan nin marahay an proseso asin mga alituntunin na ilalatag sa impeachment proceedings.
Target na ngunyan na aldaw ay matatapos asin man mailuluwas na an pinal na guidelines asin accreditation para sa media coverage kan nasambitan ng paglilitis.
Pinaglalaoman kaya na apwera sa Senate media ay may ibang mga local asin man foreign media entities an ma-cover kan impeachment trial ni VP Duterte.
Mientrastanto, magigin high tech an pag-imbitar asin seat assignment kan mga maatendir, makikisumaro, paradalan asin man ma-cover kan impeachment trial sa plenary session.
Igwa nin QR code an mga gagamitong ID kan mga malaog sa session hall para sa marikas na verification asin man ililimita sa 30 na reporters an pwedeng makalaog sa laog man kan nasambitan ng session hall.
