Pinag-aadalan naman ni Blue Ribbon Committee Acting Chairman Erwin Tulfo na ibali sa imbestigasyon kan komite an overpriced na farm-to-market-roads (FMR) na kinaimbweltuhan kan DPWH.
Sigun ki Tulfo, kadakol na sindang nadadangog sa isyu kan FMR na kabali man sa mga negosyo kan nagkapirang contractors asin suhay pa ini sa flood control projects.
Sa saiyang pagtaya posibleng magkaigwa nin duwa pang hearing sa Flood Control antes mag-focus sa FMR asin iba pang isyung maluwas.
Laoman na ipapaapod na sa flood control anomalies sinda dating Speaker Martin Romualdez asin dating Cong. Zaldy Co.
Pigsaysay ni Tulfo na posibleng may duwa pang pagdangog na isagibo an Blue Ribbon Committee dapit sa ghost asin substandard flood control projects antes sindang magpasiring sa pagsisiyasat sa overpriced na FMR.
Balak kan senador na sa pagbweltada na kan sesyon sa November 10 magtalaan nin petsa kan pagdangog huli ta sa huring semana kan Oktubre nakabakasyon na an pirang mga kaibahan para sa Undas break.
