Pag-aadalan kan Senado na limitaran an holidays sa nasyon.
Sigun ki Senate President Chiz Escudero, nagkasundo an mga senador na limitaran an numero kan mga holidays sa Pilipinas makalihis na mahiling na katampad kan labi sarong bulan an dakol kan holidays.
Planong isuwesyon kan Senado na pag-isahin na sana an petsa kan pagkomemorar kan kamondagan asin kagadanan kan pirang mga heroe asin pag-isahin an mga holidays na igwa nin sasarong diwa siring kan Araw ng Kagitingan asin National Heroes Day.
Apwera digdi, manlaen-laen pa soboot an holidays na igwa nin national, local asin religious holidays asin an mga ini an mayong laog sa trabaho asin kaipohan na bayadan nin double pay an mga malaog.
Aram ni Escudero na magkakaigwa nin pagtatalo-talo digdi alagad pag-uulayan man ini nin marhay huli ta sa dakol kan holidays an nagigin less competitive an nasyon asin an mga obrero.
