Nag-apelar si Senator Raffy Tulfo sa Department of Labor and Employment (DOLE) asin sa National Wages and Productivity Commission na pag-adalan an pagpapantay kan minimum wage sa gabos kan mga obrero sa bilog na nasyon.
Para ki Sen. Raffy, Vice Chairman kan Senate Committee on Labor and Employment, dae na makatwiran na magkakaiba an minimum wage sa kada rehiyon.
Paliwanag kan lehislador, gabos kan mga obrero an apektado kan inflation o paglangkaw sa presyo kan mga barakalon.
Pigtukdo pa kan senador na an pagdakol kan mga tawo sa Metro Manila an huli sa hababa na sweldo sa mga probinsiya asin hararayong rehiyon.
Sa presente, nasa P695 an aldawang minimum wage sa National Capital Region (NCR) asin harayo ini sa P411 na daily minimum wage sa Bangsamoro Autonomous Region in Muslim Mindanao (BARMM) asin P415 naman sa CARAGA region.
