Umapelar si Senator Raffy Tulfo sa Department of Labor and Employment (DOLE) asin sa National Wages and Productivity Commission na pag-adalan an pagpapantay kan minimum wage sa gabos nin mga obrero sa bilog na nasyon.
Para ki Sen. Raffy, Vice Chairman kan Senate Committee on Labor and Employment, bako na makatwiran na magkakaiba an minimum wage sa kada rehiyon.
Paliwanag kan lehislador, gabos man kan mga obrero an apektado kan inflation o paglangkaw na presyo kan mga barakalon.
Itinukdo pa kan senador na an pagdakol kan mga tao sa Metro Manila an kawsa man kan sadit na sahod sa mga probinsya asin hararayong rehiyon.
Sa presente, nasa P695 an aldawang minimum wage sa National Capital Region (NCR) asin harayo ini sa P411 na daily minimum wage sa Bangsamoro Autonomous Region in Muslim Mindanao (BARMM) asin P415 man sa CARAGA region.
