Nagpatanid si Senator Sherwin Gatchalian na mag-likay sa pamilyang Guo.
Katakod naman ini sa paghampang kasuarin sana sa imbestigasyon kan Senado ni Shiela Guo kun saen sa pagdangog pinapaluwas na mayo ining pag-aram asin nagamit sana ni dismissed Bamban, Tarlac Mayor Alice Guo sa mga negosyo.
Sigun ki Gatchalian, dapat na mag-likay an mga senador asin mga imbestigador sa pamilyang Guo huli ta sinda an soboot professional liars asin professional swindlers. \
Pigtawan duon kan senador, dapat soboot na nakanood na an nasyon ki Guo Hua Ping o ki Alice Guo na parehas naratibo man an pigsaysay sa Senado na mayong aram, inosente, nagdakula sa farm asin simpleng tawo sana.
Nagtutubod man si Gatchalian na dae inosente si Shiela Guo huli ta kung hihilingon an mga ebidensya an nakapirma ini sa labi 90 dokumento kan mga negosyo kan pamilyang Guo.
Tinukoy pa kan lehislador na sa sampulong kumpanya kan pamilyang Guo, apwera sa nakatinta an nagtindog na corporate secretary si Shiela asin nagin chief financial officer asin treasurer man ini partikularmente sa QJJ embroidery asin QJJ farm.
