Pig-abisuhan ni Senate President pro-tempore Ping Lacson si ACT Teachers Party-list Rep. Antonio Tinio na pag-adalab an budget tanganing aram kaini an saiyang sinasabi.
Ini makalihis akusaran ni Tinio an Senado na nagsingit kan P17.9 billion na pork barrel sa local government uni (LGU) mantang binawasan man an mga benepisyo kan mga government employees.
Pigtawan duon ni Lacson, sala si Tinio asin dae ini nag-research o nagsaliksik dapit sa mga realignments sa national budget asin pigraraot sana kaini an katatagan kan Senado.
Paliwanag kan senador, an nasambitan ng realignment o pigbawas na pondo gikan sa Miscellaneous Personnel Benefit Fund (MPBF) an pigdugang man sa subsistence allowance kan mga uniformed personnel.
An sinasabi man ni Tinio na napaduman sa Local Government Support Fund (LGSF) an pondo request o kahurutan kan ehekutibo tanganing masuportaran an mga tinamaan kan kalamidad asin ini pighugot gikan sa hinali na pondo sa P255 billion na mga flood control projects.
Huli ta igwang padumanan an mga pigbalyo na pondo, malinaw soboot na mayong pork barrel siring kan alegasyon ni Tinio.
