Sinuspinder muna kan Senate Blue Ribbon Committee an imbestigasyon sa mga soboot anomalya sa flood control projects.
Sigun ki Sen. Panfilo Lacson, mayong pagdangog sa masunod na semana, makalihis maaraman na dae pa preparado an mga hinahagad nindang dokumento sa Department of Justice (DOJ) asin Manila Regional Trial Court (RTC).
Napagaraman na nakatalaan kuta an pagdangog kan panel sa Oktubre 8, na orihinal na pigtalaan sa kahagadan ni Senador JV Ejercito tangani ipaapod si dating DPWH Regional Director IV-B Engr. Gerald A. Pacanan.
Dugang pa kaini, may sabayang pagdangog para sa budget asin Commission on Appointments (CA) na makawsa nin conflict sa schedule kan lupon.
Huli digde, ipinaaram ni Lacson ki Senate President Vicente “Tito” Sotto III an paramientras pagkanselar kan pagdangog hasta sa magkaigwa nin mas angkop na panahon asin kumpletong dokumentasyon.
