Nangapudan si Senate President Pro Tempore Panfilo “Ping” M. Lacson para sa hararumang imbestigasyon sa mga alegasyong nagkokonektar sa nagkapirang opisyal kan Gabinete sa budget insertions para sa infrastructure projects kan Department of Public Works and Highways (DPWH), sabay patanid na an amay na pagbasura sa mga ini an pwedeng magluwas na “cover-up.”
Sigun ki Lacson, masyadong amay para sa Malacañang na bansagan na “hearsay” an mga report manungod sa insertions, orog na ta may mga mga importanteng ebidensya nang nagluwas sa mga pagdangog kan Senate Blue Ribbon Committee na saiyang pinamamayuhan.
Tinutukoy ni Lacson an pahayag ni Presidential Communications Office Undersecretary Claire Castro na nagbasura sa mga alegasyon laban sa nagkapirang Cabinet secretaries komo “hearsay” asin “no probative value.”
Dugang ni Castro, masimbag sana an Palasyo sa mga dokumentong authenticated kan DPWH.
Sigun sa lehislador, kabali sa mga ebidensyang naguno kan Blue Ribbon Committee an testimonies na suportado kan official documents sa budget books.
Binanggit man kaini an ang posibleng pagtukoy sa “web of accounts” na matukdo sa paghiro kan mga pondo sa tabang kan Anti-Money Laundering Council (AMLC).
Hurot ni Lacson, dae kakayanon kan gobyerno na balewalaon an anggot kan publiko huli sa tindi kan korapsyon sa likod kan mga palpak asin guniguning infrastructure projects.
Sa soboot final analysis, dae pwedeng basulon an publiko, na pinangenutan kan Catholic Church, ibang mga religious sectors asin civil groups para sa saindnag labing kaanggutan asin kawaran nin tiwala sa gobyerno.
