Naga City-Labing nagpasalamat si Senador Sonny Angara ki Presidente Ferdinand R. Marcos Jr. sa tiwala na pigtao saiya komo bagong talagang Sekretaryo kan Department of Education.
Sigun ki Angara, pig-aako kaini nin may pagpapakumbaba an responsibilidad na pigtao saiya kan punong ehekutibo.
Komo bagong Sekretaryo kan DepEd, nakatutok soboot ini sa pakikipagtabangan sa gabos na sektor kan lipunan, kaiba na an saiyang pigribayan na si Vice President Sara Duterte.
Ini tanganing masierto soboot na an lambang Pilipino may access sa de-kalidad na edukasyon.
Nagtutubod si Angara na an edukasyon an pundasyon kan futuro kan nasyon, asin ini makukua sa paagi kan paghihigos kan gabos na masimbagan an mga huma asin sa pagsasamantala sa mga oportunidad sa futuro.
Excited man soboot ini na makipagtabangan ki Presidente Marcos asin sa bilog na administrasyon na pagsirbihan an mga estudyante, suportaran an mga paratukdo, asin pakusugon an pangkagabsang kalidad kan edukasyon sa satuyang nasyon.
