Mawot ni Senadora Risa Hontoveros sa korte na imbitaran si Lyu Dong, an soboot godfather kan mga POGO sa nasyon sa pigkakasang huring imbestigasyon kan Senado sa POGO.
Ini tanganing matawan linaw an koneksyon ni Lyu Dong ki dismissed Bamban Mayor Alice Guo o Guo Hua Ping.
Si Lyu Dong an pigsasaysay na big boss kan Lucky South 99 POGO hub sa Porac, Pampanga.
Pig-arestar ini sa sarong subdivision sa Laguna kan nakalihis na Huwebes na banggi.
Siring man, nanindugan si Hontiveros sa huring pagdangog na an itatalaan kan Senate Committee on Women and Children manungod sa POGO.
Sa ngunyan soboot mayo pang eksaktong petsa kun nuarin ikakasa kan komitiba an huring pagdangog asin iinuton man an imbestigasyon manungod sa puganteng si Apollo Quiboloy.
