Pigdeklarar na an “severe to extreme” heatwaves sa kada estado asin teritoryo kan Australia apwera sa Queensland.
Presenteng nakakaeksperyensiya nin catastrophic fire conditions an pirang lugar sa Australia asin piglalaoman pang tatamaan kan heatwaves an kadaklan sa mga lugar sa nasambitan na nasyon.
Pigkakarkulong makakaeksperyensiya man nin halangkaw na temperatura sa nasyon sa mga masunod na aldaw.
Ngunyan na Biyernes, madeklarar an estado kan Victoria nin “total fire ban”, kasabay kan pagtaas sa fire danger rating sa “catastrophic”, an pinakahalangkaw na lebel. Isasarado man an nasa 450 na eskwelahan asin childcare centers.
Kan Huwebes, nagin masakit sa mga bumbero an pag-apula sa pirang nagbungkaras na kasulo sa Victoria asin New South Wales kun saen dose-dosenag eroplanong may laog kan tubig an pinakuriyat para apulahon an dakulang kasulo harani sa city kan Wodonga.
An Melbourne man nakakaeksperyensiya nin pinakamainit na aldaw kasuudma sa nakalihis na anom na taon na nagpakol sa 40.9 degrees Celsius.
Sigun sa sarong opisyal gikan sa Bureau of Meteorology, sa ngunyan na Biyernes an “real peak kan heatwave.” kawsa kaini, magigin mainit na aldaw an maeeksperyensiyahan sa haros gabos kan lugar sa South Australia, Victoria, kadaklan kan lugar sa New South Wales asin pirang parte kan Tasmania.
