Pinag-uurulayan ngunyan kan mga netizen an makahulugang appreciation post ni SexBomb Girls member Sunshine Garcia para sa mister kaining dating aktor asin Bulacan Vice Governor Alex Castro, na soboot garo “shady” asin “lowkey” padangog soboot sa agom kan dating kaibahan na si Izzy Trazona, na si Alvin Aragon.
Sigun sa social media post ni Sunshine kan nakalihis na Pebrero 15, pinasalamatan kaini si Alex huli ta apwera sa date night ninda tanganing ipagselebrar an Aldaw nin mga Puso, pigsusuportaran soboot ini tanganing mag-uswag asin gibuhon an mga bagay na nagpapaogma sa saiya.
Kapansin-pansing naka-capslock an mga tataramong “SUPPORT” asin “GROW” sa post.An mga netizen man, alagad maski mayong binanggit na pangaran si Sunshine, garo pigkokonektar ini ki Alvin, makalihis na mag-viral an mga nagin kasimbagan kaini sa sarong entrevista kun tano dae nakaiba an agom na si Izzy sa reunion concerts kan kinababalihang girl group.
Marurumduman, nagbutas man nin pahayag si Alvin dapit ki Alex huli sa pagtugot kaining magsayaw an agom sa stage.
