NAGA CITY – Saro sa pighihiling na solusyon kan alkalde kan Pili an shifting kan oras nin trabaho tanganing dai na madugangan pa an apat na binawian nin buhay sa saindang banwaan huli sa init kan panahon.
Sa entrevista kan Bombo Radyo Naga ki Tom Bongalonta Jr., alkalde kan lokal na gobyerno kan Pili, intervention soboot an saindang pigsasagibo sa presente, nin huli ta mga job orders soboot kan saindang munisipyo an apat na binawian nin buhay, kun saen an saro soboot igdi dating naka-assign sa market komo market guard, kun saen pirmi soboot ining naiinitan, asin inatake sa puso nin banggi asin binawian nin buhay.
Sigun pa ki Bongalonta mayo man ining helang sa saiyang pagkaaram. An ikaduwa man soboot na binawian nin buhay sarong babae na may dati nang pagmate sa saiyang baga, asin na-trigger soboot ini huli sa init. Ikatolo man sigun igdi an saro pang lalaki na nag-duty nin banggi komo gwardiya, alagad nakamate nin malaen asin pig-apudan soboot an sarong kagawad kun saen pigsabihan man soboot kaini an gwardiya na makua ini nin ambulansiya huli ta dadarahon kudta na sa ospital, alagad nagsabi soboot ini na mauli na muna tanganing paisihan an saiyang pamilya, kundi may rayo soboot ini sa poblacion, rason kun tano pig-atake na ini sa saindang harong.
Sigun ki Bongalonta nadara pa ini sa sarong ospital sa siyudad nin Naga alagad pigdeklarar man sana ining dead-on-arrival. An pan-apat man soboot 52 anyos na naka-assign sa saindang Engineering Department, asin nag-iinspeksyon nin mga proyekto kan munisipyo sa manlaen-laen nin mga barangay kan ini pig-atake sa puso. Sigun ki Bongalonta an apat na ini binawian nin buhay huli sa init.
Dugang pa kaini an mga traffic aide sa saindang banwaan nagtatabang sa PNP sa pagmantinir kan traffic flow, kun saen pinagsugo kaini sainda na maglikay soboot sa init nin at least sarong oras, makalihis salidahan tulos tanganing dai an mga ini mababad, asin igwa man soboot sinda nin Personal Protective Equipment, siring kan kopya, eyeglasses, jacket, tanganing dai masyado an mga ini na mababad sa saldang.
Sa mga street cleaners man soboot ini saiyang pinapapalaog nin puon alas 5 hasta alas-9 nin aga, asin pinapabalik man an mga ini alas-4 nin hapon hasta matapos kaini an natatada kaining apat pang oras, basta soboot matapos kan mga init.
