NAGA CITY- Binuyagyag ngonyan kan Caceres Communications Commission (CCCOM) kan Archdiocese of Caceres na naaapektaran na man nin cyber bullying asin fake news an Simbahan.
Sigon ki Fr. Louie Occiano, pamayo kan CCCOM, nagkapirang beses na suboot na nabiktima an simbahan nin cyber bullying.
Saro suboot sa mga pangyayaring ini kan makaresibe sinda nin manlaen laeng mga batikos sa social media kan nakaaging bulan nin Enero ngonyan na taon kan maglakop an video kan sarong teenager na nagbabayle sa hampang kan altar sa laog nin sarong parokya sa ciudad nin Naga sa ginibong pagtiripon na pig-organisar kan simbahan.
Imbes suboot na aramon kun ano an totoong nangyari, marikas na nambatikos an mga netizens ngonyan asin magpalakop nin mga impormasyon dawa na dae pa ini nabeberipikar.
Katakod kaini, naglalaom si Fr. Occiano na sa tabang kan pigkondusir nindang Forum on the State of the Philippine Media and Press Freedom kun saen kadaklan sa mga nag-atindir digdi mga jovenes, mas matutukduan an mga padi kun papaano matao nin marhay na impormasyon para maipaliwanag an mga pangyayari sa laog kan saindang mga parokya.
