NAGA CITY- Prangkang sinaysay kan mismong pamayo kan Caceres Communications Commission (CCOM) kan Archdiocese of Caceres na lumang argumento na suboot an pahayag ni presidente Rodrigo Duterte na kun mapadagos an Simbahang Katolika na magtaram laban sa saiya, isasapubliiko niya an impormasyon manungod sa kaso nn paggadan sa sarong padi.
Sa entrevista kan Bombo Radyo Naga ki Fr. Louie Occiano, sinaysay kaini na nirerespeto ninda an nagin pahayag ni presidente Duterte alagad lumang argumento na suboot ini urog pa ta an istorya kan Simbahang Katolika siring man an buhay kan mga padi bako man sekreto.
Sigon ki Fr. Occiano, bako sindang perpekto asin aminado ining igwang mga padi, obispo asin iba pang miyembro kan Simbahang Katolika an nagkakasala alagad sa ibong kan saindang mga sala asin limitasyon, mas naiintindihan ninda an saindang misyon.
Nagtutubod man si Fr. Occiano na dae mapapabagsak kan sisay man na pulitiko o lider an Simbahang Katolika.
Mientrastanto, tinawan don man niya na dae masilencio an Simbahan urog na pag-abot sa mga inhustisya asin pangyayari sa nasyon na nasyon na kontra na sa pigtutukdo sa bibliya urog pa ta sarong Katolikong lugar an Pilipinas.
