Liwat na nagpagirumdom pamayuhan kan Minor Basilica asin National Shrine of Jesus Nazareno sa mga deboto kan Nazareno na sinda mahigot sa paglaog kan mga ini sa papaabuton na kapistahan sa Enero 9, 2025.
Kun saen pigtawan duon ni Fr. Robert Arellano, tagapagtaram kan Nazareno 2025, na importante an dae pagdadara nin gamit siring kan mga bag, tangani na maparikas an paglaog asin masierto an kasalbaduhan kan mga deboto.
Nagpaluwas naman an mga awtoridad nin mga pagirumdom dapit sa mga protocol sa seguridad para sa pagselebrar kan Feast of Jesus Nazareno 2025, na nakatuon sa mga lakdang para sa kaligtasan kan mga maatendir.
Pig abisuhan man an mga deboto dapit sa mga patakaran tangani na mamantinir an kaayusan sa panahon nin prusisyon.
Kabali na digde an dae pag ulang sa mga ruta kan prusisyon, an dae pagdadara nin darakulang replika ni Jesus Nazareno, asin an likayan an pagsakat sa pedestal kun saen pigpapahiling an banal na rebulto.
Pig inkaminar man kan mga awtoridad an mga deboto na magin handa sa posibilidad nin maraot na panahon, kaya pig abisuhan sinda na magdara nin magian na raincoat asin siertuhon na hydrated sa bilog na mag-hapon.
Pig inkaminar man kan pamayuhan kan Minor Basilica asin National Shrine of Jesus Nazareno an mga maatendir na magpreparar nin amay, magkakan antes makisumaro sa kapistahan, magsulot nin komportableng kasulotan, asin mag abot na may taimtim na mga pangadyion tangani na maibusol an sarong pakarhay na kapistahan.
