Pigsuhestiyon kan mga cardinal sa Vatican an simpleng pagkakan mantang abala an mga ini sa pagpreparar para sa conclave tanganing magpili nin bagong Santo Papa.
Sigun sa mga lokal na restaurateur sa palibot kan Vatican, paborito kan mga cardinal an mga simpleng lutong Romano siring kan pasta carbonara, saltimbocca (veal cutlets na pinatos sa ham), burrata, asin tradisyunan na pagkakan na igwang amatriciana o gricia sauce.
Sa sarong restaurant sinaysay kan may kansadiri na haloy na soboot parokyano an mga cardinal, asin nagin harani na sinda digde.
Mantang an iba man an mas pigpili kan mga obispo asin cardinal an pribadong kakanan sa likudan kan restaurant tanganing makalikay sa media.
Alagad maski igwang pirang restaurateur na nagsabing nagluya an kita puon kan magadan an Santo Papa kan nakalihis na Abril 21, padagos pa man an pagbisita kan nagkapirang cardinal sa mga paborito nindang kakanan.
Magin an mga ice cream shop an dae man nakasalbar sa panlasa kan mga klerigo, paborito ninda an “vaticono” sarong crepe na ginibong cone na pabo nin gelato, asin an “dulce de leche” na pig-alay ki Papa Francisco.
Sa ibong kan mahigot na pagpreparar sa importanteng aldaw kan pag-elihir sa lider kan Simbahan Katoliko nagtitinir na simple an pagkakan kan mga pigkonsiderar na “Prinsipe kan Simbahan”.
