NAGA CITY – Tinawan duon kan pamayuhan kan Land Transportation Office (LTO)-Naga na makakatabang nin marhay an single ticketing system tanganing madisiplina an mga drivers dapit sa batas trapiko.
Sa entrevista kan Bombo Radyo Naga ki Grace Rojas, head kan LTO Naga, pigsaysay kaini na saro ini sa new technology kan saindang departamento kun saen gabos na apprehension kan LGU an malaog sa systmen kan LTO.
Apwera pa digdi, igwa man nin mga gadgets na pigtao para sa apprehending officers. Sa paagi soboot na ini, mapaparekas an pag-enforce kan mga opisyal mantang dae naman masasakitan na magtubos an mga motirsta na naticketan.
Ini nin huli ta magigin online payment na ini asin kaipohan sanang ipresentar an OR sa LTO.
Mientrastanto, an nasambitan naman na system an makakatabang man sa mga drivers na madidisiplina an mga mga ini asin tanganing dae na magbalgar kan batas trapiko.
Ini nin huli ta sa kada pagbayolar sa batas trapiko igwa man ini nin demerit points.
An premirong pagbalgar an igwa nin sarong demerit points mantang an mga masurunod na demerit points an kinakaipohan na nin mga seminars, examinations, asin sa pagrenew man kan saindang mga lisensya an 5 taon na sana validity asin dae na makaavail kan 10 taon.
Dugang pa kan opisyal na enkaso nag-abot na sa 40 demerit points an mga lisensya kaini an masusupender sa laog nin duwang taon.
