NAGA CITY – Nagtitinir na marhay pa man an sitwasyon Banwaan kan Milaor, Camarines Sur sa ibong kan naeksperyensiyahan na pag-uran.
Sigun ki Police Executive Efren D. Azores Management Executive Senior Police Officer kan Milaor Camarines Sur basado sa report gikan sa MDRRMO kasuudma igwang pagbaha sa may parte kan kasentruhan sa Barangay San Antomio, alagad ngunyan na aldaw sa pag-iikot kan mga otoridad mayo naman soboot pagbaha sa nasambitan ng lugar.
Nagpapadagos man an assessment kan mga otoridad tanganing masierto na na nasa marhay na kamugtakan an mga residente orog na an yaon sa mga harababang lugar.
Katakod kaini, pigsaysay pa ni Azores na preparado an saindang grupo sa panahon kan kalamidad asin kun ano man an pangangaipuhan kan mga residentes.
Sa ngunyan kahagadan kaini orog na ta papaabuton naman an holiday season na perming magin salbado an mga residentes.
