NAGA CITY- Pigtutulod kan SK Federation President sa siyudad nin Naga an sarong resolutions na nagbubusol sa pig-aapod na mitigation, adaptation asin transformation katakod sa mga kalamidad na kinakahampang kan gabos sa presenteng panahon.
Sa nagin patara-tara ni Jefson Felix, Naga City SK Federation President, sinaysay kaini na kinakaipuhan ng magbilog nin mas pusog na paagi tanganing mabawasan an mga problema na kinakaatubang tuyong igwang kalamidad siring kan bagyo na naglalaog sa nasyon.
Sigun pa ki Felix, an nakalihis na si Bagyong Kristine an nagpapahiling kun gurano ka-vulnerable an mga tawo siringman an mga edificio pag-abot sa mga siring na kalamidad na nagwawalat nin mahewasang danyos asin pagkawara nin buhay kan sarong indibidwal.
Katakod digde, an pribado asin civil society an kaipuhan na magtake nin action tanganing magin sararo sa paglaban asin pagigin preparado sa anuman na huma na pwedeng darahon kan bagyo.
Sa ngunyan, pig-enkimanar na sana kan opisyal an mga kajovenan na magtindog asin makitumabang sa pagigin preparado dapit sa anuman na kalamidad na pwedeng mag-agi.
