Sa tahaw kan isyu kan soboot iregularidad sa mga flood control projects na kinaiimbweltuhan kan nagkapirang politiko asin kontratista, nilinaw kan dating “Pinoy Big Brother” housemate asin ngunyan, construction businessman na si Slater Young na mayo ining ano man na proyekto sa gobyerno.
Nagluwas nin pahayag si Slater sa saiyang Instagram stories makalihis ining haputon kan sarong netizen kun nakinabang man ini sa buwis kan taumbayan.
Binanggit man ni Slater na dawa duwang dekada na ini sa industriya kan contruction, mayo pa man ining marangyang lunadan siring kan Rolls-Royce.
An nagin pahayag ni Slater an haros patama sa kontratistang si Sarah Discaya, na imbwelto soboot sa iregular na flood control projects.
Marurumdumang sa isinagibong pagdangog sa Senado kan nakalihis na Setyembre 1, inamin ni Discaya na pagsasadiri kaini an nagkapirang luxury vehicles siring na sana kan Rolls-Royce, Mercedes Benz, Bentley, Cadillac Escalade, Range Rover, GMC, Suburban, asin G63.
Saro soboot sa mga binakal kaining kotse an huli sana ta igwa nin kaibahang built-in na payong.
