Target kan Presidential Anti-Organized Crime Commission (PAOCC) sa saindang operasyon sa 2025 an mga small scale Philippine Offshore Gaming Operations (POGO).
Segun ki PAOCC executive director Undersecretary Gilbert Cruz, sinabi kaini na makalihis na maipasarado ang mga darakulang POGOs sa nasyon, may mga obrero na nagbilog kan saindang operations sa manlen laen na lugar sa nasyon.
Kadakle sa mapadalagan kan mga small scale POGO iyo an mga Pilipino na suportado pa man kan mga foreign nationals.
Paliwanag ni Cruz, kaipuhan na munang mag agi sa profiling kan mga foreign nationals an mga bibiktimahon antes pigpapasa sa mga keyboard workers na soboot mga Pilipino.
Dugang pa ni Cruz, nakamonitor na sana soboot an mga foreign nationals sa saindang mga Filipino workers na nagsisirbing mga keyboard workers nin huli ta kaipuhan pa man an collaboration tangani na magpadagalan nin sarong POGO hub.
Mientrastanto, dawa na ngani imposible an pigsaysay kan pirang mga LGUs na dae aram na may POGO sa saindang lugar, pigsaysay pa man ni Cruz na nagluwas na sinda nin advisory na audio visual presentation para sa mga local government units mapadapit digde.
Segun sasaiya, posibleng ikonsiderar an pagdakol nin mga foreign nationals, pagdugang nin internet connections, kadakol nin food deliveries asin hatod sundo an mga nasa lugar.
Mas dapat soboot na alerto an LGU sa pagpapatugdok ning mga bagong establisyemento na kun saen nagaagi sa sainda an building permit.
