Padagos an espekulasyon sa nagrarom na tensyon sa pag-ultanan ninda NBA superstar LeBron James asin Canadian rapper Drake, makalihis magluwas si LeBron sa bagong music video ni Tyler, the Creator na “Stop Playing With Me”.
Kapansin-pansin an paglataw ni LeBron kaiba sinda Maverick Carter asin man an rap duo na Clipse—Pusha T asin Malice—na bistadong may hidwaan ki Drake. Lalong nag init an urulay kan i-post ni LeBron sa Instagram an caption na: “STOP FKN PLAYING WITH ME!!!!”
Marurumdumang kan nakalihis man na taong 2024, tahasang sinuportaran ni LeBron si Kendrick Lamar sa kontrobersyal na “Pop Out” concert, kun saen pigkanta ni Kendrick an diss track na “Not Like Us” kontra ki Drake.
Magpuon man kaidto, ini-unfollow na ni Drake si LeBron, binago an lyrics kan nagkapirang sonata tangani linigon an saiyang pangaran, asin soboot niribayan pa an tattoo para ki NBA star Shai Gilgeous-Alexander.
Nagpatama man si Drake kansuarin sana sa Wireless Festival 2025, kun saen man binanggit kaini an linyang: “I saw bro in the Pop Out with them but been distant since ‘Headlines’,” na garu kumpirmasyon kan dae pagkakaintindihan ninda.
Bagaman bistado si Tyler, the Creator sa pagigin pilyo sa saiyang mga video, dae nakasalbar sa fans an timing asin man mga personalidad na kaiba digde.
Banga man an reaksyon kan netizens na igwa nin nagtutuyaw ki LeBron mantang an iba man, naglalaom pa na magin maayos na an gusot kan duwa sa bandang huri
