NAGA CITY– Gadan an pinagtutubudang saro sa pinakahalangkaw na lider kan Communist Party of the Philippines-New People’s Army- National Democratic Front (CPP-NPA-NDF) sa Bicol Region asin an kaibanan kaining babae makalihis mapuli sa shootout an pagsisirbing kuta na nin warrant of arrest kan mga otoridad sa Barangay Cararayan, Naga City.
Binisto an nagadan na si Joey Fajardo alyas “Budoy asin Owen”, Secretary kan Bicol Regional Party Committee (BRPC) asin an babaeng kaibanan kaini.
Sa entrevista kan Bombo Radyo Naga ki Col. Paul Regencia, tagapagataram kan 9th Infantry Division (ID), Philippine Army, sinaysay kaini na isisirbi kuta na kan saindang tropa kaibanan an kapulisan an warrant of arrest sa kasong murder, frustrated murder asin damage to property kan biglang magpauran nin bala an suspek na nagin dalan para magbalos an mga otoridad.
Napuruhan sa pangyayari si Fajardo asin an kaibanan kaini kan mags apo nin mga tama nin bala sa saindang lawas.
Mientrastanto, narekober sa mga suspek an manlaen laen na klase nin badil, mga bala asin sarong hand grenade.
Sigon ki Regencia, posibleng dakula an magin epekto kan pagkagadan ni Fajardo sa mga operasyon kan mga rebelde sa mga masunod na aldaw antes an saindang anibersaryo.
