Pigkumpirmar ni Department of Justice Secretary Jesus Crispin Remulla na saiyang naisumiter na an aplikasyon komo pagka-Ombudsman.
Sa naganap na halipot pulong balitaan, saiyang ipighayag na ini an nakapagpasa na nin pirmadong dokumento sa Judicial and Bar Council.
Saiya na man naisumiter kan nakalihis pang aldaw an saiyang aplikasyon komo Ombudsman.
Marurumduman, kasuarin sana ipigheras ni Justice Secretary Remulla an saiyang interes sa Office of the Ombudsman huli sa soboot kadakol man ining maiheheras digde.
Si Remulla an presenteng sekretaryo kan Department of Justice asin enkaso na ini an maitalaga sa nasambitan ng posisyon, saiyang riribayan si outgoing Ombudsman Samuel Martires na magreretiro sa maabot na Hulyo 27, 2025.
Mantang an proseso man kan saiyang aplikasyon an maagi muna sa Judicial and Bar Council para sa deliberations asin public interviews.
Makalihis man kaini, isusumiter kan JBC an mga nominado sa posisyon sa pagka-Ombudsman sa presenteng Presidente kan nasyon na si Presidente Ferdinand Marcos Jr. para sa appointment.
Ngunyan na aldaw, Hulyo 4 an huring aldaw kan aplikasyon o nominasyon kan Judicial and Bar Council para sa nasambitan ng posisyon.
