Pigkumpirmar kan Department of Justice na mga lawas kan tawo an narekober kan mga otoridad kasuodma, Hulyo 17 sa parte kan Taal Lake.Ini an sa pasagos pa man na pagsasagibo kan piglunsar na ‘search and retrieval operations’ tanganing mahanap an mga lawas kan ‘missing sabungeros’ na piglubong soboot sa nasambitan ng lawa.
Sigun ki Justice Secretary Jesus Crispin Remulla, na kumpirmadong ‘ human remains’ o mga lawas kan tawo an nakua sa pigkasar na operasyon.
Nadiskubre soboot iyo an mga buto kan tawo partikularmente na sa parte kan ‘tadyang’ o ‘rib bones’ na matrayumpong narekober sa pangengenot kan Philippine Coast Guard.
Dugang pa kaini, sa kabilogan apat na sako an naihawas gikan sa lawa kan Taal, duwa digde an naglalaog nin baybay o pagabat mantang duwa man an lawas kan tawo.
Mientrastanto, parte sa nagin pulong balitaan kan Department of Justice, napag-ulayan na digde an iba pang igwang koneksiyon sa kaso kan biglaang pagkawara.
Kun saen ipigheras ni Sec. Remulla na an saro sa mga lawas na naglutang kan nakalihis na 2020 an pinaghihinalaang biktima man kan ‘disappearances’ o pagkawara.
Tolo soboot na bangkay ini asin pigtukoy kaining saro digde an posibleng igwang koneksiyon sa isyu kan e-sabong.Katakod ini sa mga ipinakalot ni Justice Secretary Remulla na mga lawas sa sarong sementeryo sa Batangas.
Kaya saiyang pigpaliwanag kun tano kinakaipuhan ining liwat na makua na pigsasaysay na igwang koneksiyon sa mga pigsiwalat man ni alyas Totoy.
