Pigpuonan na kan South Korean military an paghahali nin mga loudspeaker na manunutaran sa kalabaan kan Demilitarized Zone (DMZ) sa border kan North Korea, susog sa Department of Defense kan nasyon.
Ginamit kaidto an mga loudspeaker tangani man magpatugtog nin makukusog na musika asin magbareta mapadapit sa luwas kan North Korea, komo parte kan kampanya kan nasyon na magtao nin impormasyon kontra sa mahigot na kontrol kan gobyerno ni Kim Jong Un sa media.
Napagaraman na an lakdang an enot nang ipinagsugo ni South Korean President Lee Jae Myung tangani pababaon an tensyon sa pag-ultanan kan duwang nasyon.
Siringpaman, maduon na pinahimutikan kan North Korea an ano man na klase nin pakikipag-koordinar sa bagong Presidente kan South Korea.
Sinaysay ni Kim Yo Jong, tugang ni Kim Jong Un, na mayo sindang interes sa ano man na polisiya o propwesto gikan sa Seoul asin pigtawan duon na an relasyon kan duwang Korea an dagusan asin dae na maibabalik pa liwat.
Pig asegurar man kan militar kan South Korea na an paghali kan nasambitan ng mga loudspeakers an dae man makaaapektar sa saindang preparasyon sa seguridad.
