Binawi soboot ni South Korean President Yoon Suk Yeol an nakatalaang pagbisita kaini sa National Assembly kan nakalihis na aldaw kun saen naghahampang ini sa impeachmen proceedings makalihis an pagprobar kaining pagpapautob kan martial law makalihis tulos man pig-atras kan nakalihis na bangging Martes, Disyembre 3.
Igwa man mga naglataw kayang dae kumpirmadong reports na mapasiring an SoKor President sa parliament tanganing maghagad nin tawad asin magbutas sa puwesto.
Alagad tulos man ining pigtanggi kan Presidential Office asin sinaysay na mayong plano si Pres. Yoon na magpasiring sa National Assembly.
Sa ibong kaini, nagtinir man sa laog kan establisyemento an members of Parliament na nakatindog asin nakaharang na igwang kapot na placards asin nagkukurahaw nin impeach mantang dakulang grupo kan mga anggot na opposition lawmakers an nagkaraputan kamot sa entrance kan national assembly.
Nakatalaan na man na pagbotohan ngunyan na aldaw nin Sabado, Disyembre6 an pag-impeach ki Pres. Yoon.
Kun sakali man na magbaba sa pwesto o ma-impeach si Yoon, sususpendihon ini mantang nakabinbin an hatol kan Constitutional Court na kaipuhan magdesisyon sa laog kan 180 aldaw.
Paramientras, si SoKor Prime Minister Han Duck-soo an matindog na acting president kun magkataong suspendihon si Pres. Yoon.
