NAGA CITY- Sarong soldados an nairido makalihis an nangyaring bakbakan sa pag-ultanan kan tropa kan gobyerno asin pinagtutubudang miyembros kan rebeldeng New People’s Army (NPA) sa Lopez, Quezon.
Basado sa impormasyon hale sa PNP Lopez, nangyari suboot an engkwentro sa boundary kan barangay Ilayang Ilog asin barangay Villanacaob sa nasambitang banwaan.
Nagkokondusir suboot nin combat operation an mga soldados hale sa 85th Infantry Brigade, Philippine Army sa nasambitang lugar kan bigla na sana kaining makabakbakan an kinakarkulong 20 pigtutubudang miyembro kan rebeldeng NPA na pinapamayuhan suboot kan sarong Jayson Delos Santos alyas ‘Ka Bingot’.
Naghaloy suboot nin haros 30 minutos an riribayan kan putok sa pag-ultanan kan duwang lado.
Nairido sa pangyayari an soldados na binistong si Cpl. Steve Canabuan makalihis na tamaan suboot nin shrapnel hale sa grenade launcher.
Sa ngonyan, padagos pa suboot an ginigibong operasyon kan mga militar sa lugar para madakop an nagdurulag na mga rebelde.
