NAGA CITY- Irido an sarong soldados makalihis na mawaran nin kontrol sa saiyang minamanehong motorsiklo sa kalabaan kan tinampo sa barangay San Vicente, Pili, Camarines Sur.
Binisto an nairidong persona na si TSgt. Hilario Macatangay, 32 anyos.
Sa nakuang impormasyon kan Bombo Radyo Naga, napag-araman na binabagtas ni Macatangay an kalabaan kan nasambitang tinampo kan bigla ining mawaran nin kontrol sa bihikulo na nagresulta sa saiyang pagkaturumba.
Huli digdi, nagsapo nin lugad sa manlaen laeng parte kan saindang lawas an biktima na tulos man pigdalagan sa ospital.
Sa inisyal na impormasyon hale sa PNP Pili, huli sa bakong pantay na tinampo an rason sa aksidente.
Sa ngonyan, nagpapadagos pa an imbestigasyon kan mga otoridad manungod sa nasambitang insidente.
