NAGA CITY – Padagos an pigsasagibong clearing operations sa siyudad nin Naga kan Solid Waste Management Office.
Sigun ki Joel Martin Head kan Solid Waste Management Office nasa ika sampulong aldaw na sa presente an saindang clearing operations sa siyudad.
Ini an mga tadang basura na dara kan Super Typhoon Uwan digde sa siyudad nin Naga.
Sa ngunyan an nahakot na basurang pigkakarkulong 3200 na nakatambak sa Sanitary Land Field.
Maliwanag na naglangkaw an average kan basura ngunyan kawsa kan naglihis pa sana na Bagyo.
Piglalaoman na ngunyan na semana matapos na an clearing operations kan nasambitan na grupo.
Sa ngunyan nagpapadagos an paglilinig sa parte kan San Felipe, Bagumbayan Sur, Santa Cruz asin Mabolo mantang an ibang Barangay totally cleared na.
Alagad maogma man para sa mga otoridad an kooperasyon kan mga Barangay Officials tanganing maparekas an paglilinig kan siyudad.
