Pinagbusol ni AGRI Party-list Representative Manoy Wilbert Lee na dugangan pa an benepisyo kan Philhealth para sa mga miembros kaini.
Ini sa ibong kan marhay na bareta manungod sa pinahiwas asin pinalangkaw na benepisyo kan Philhealth.
Ginibo ni Lee an pangapudan makalihis na an Philippine Health Insurance Corporation (PhilHealth) mag-anunsyar nin paglangkaw sa saindang mga benepisyo, kabali an 50% na paglangkaw sa coverage para sa 9,000 case rates o mga helang.
Sa sarong press conference, ipinahayag ni Lee na an nasabing paglangkaw asin pagpahiwas kan mga benepisyo parte kan commitment na saiyang pigpromote na personal na pinirmahan kan Department of Health (DOH) Secretary Ted Herbosa asin PhilHealth President and CEO Emmanuel Ledesma Jr. durante kan budget deliberations sa Kongreso kan Setyembre 2024.
Segun sa lehislador, na nagbuyagyag kan bilyones na sobrang pondo kan PhilHealth kan Setyembre 2023, kabali sa mga bagay na dapat ipautob kan DOH asin PhilHealth iyo an sarong komprehensibong plano tanganing mabawasan an gastos sa pag-ataman sa salud hasta na magin libre man sa ospital, detalyadong listahan kan mga makukuang bulong asin bakuna sa mga pampublikong ospital, libreng PET scan, CT scan, MRI asin iba pang mga diagnostic test, asin mas halangkaw na sakop para sa pagbolong sa kanser asin operasyon sa puso.
Nagpatanid man si Lee na an siring na mga ahensya dapat parikason an implementasyon kan dugang na mga benepisyo sa salud, nin huli ta an mga gastos sa medisina piglalaoman na malangkaw nin labi sa 18% susog sa pinakahuring survey kan WTW Global Medical Trends.
Pigtawan duon pa ni Lee na an mga dugang na benepisyong ini babaliwalaon kun an mga gastos sa medisina maglangkaw giraray.
An implementasyon kan mga dagdag na benepisyo dai pwedeng magin pira-pira sana asin maluya.
Dugang pa kan lehislador, piglalaban soboot kaini an bulong asin man pagpapabulong na dapat libre asin dapat na responsable kan gobyerno.
Mawot ni Lee na mayong pagsingil asin bakong mayong subsidiya.
Magigirumduman na kinontra ni Lee an pagtao nin zero subsidy sa PhilHealth, asin pigtuyaw an DOH asin PhilHealth sa padagos na pagigin maluya sa pagtao nin dagdag na benepisyo, na posibleng mangyari giraray sa mga masunod na taon.
