NAGA CITY– Irido an sarong solterito makalihis pagsasaksakon sa Purok 7, Barangay Luklukan Norte, Jose Panganiban, Camarines Norte.
Binisto an biktima na si Jonel Austria, 20 anyos.
Sa nagung impormasyon kan Bombo Radyo Naga napag araman na kaibahan sana ni Austria an saiyang mga barkada kan bigla na sana ining niranihan kan suspek asin inagyat nin iwal alagad dai man ini pinatulan kan biktima.
Makalihis an pangyayari nagpuli an biktima sa saindang harong tanganing magkua nin icepick, tuos kaining binalikan an biktima asin tulos na pinagsasaksak.
Huli digdi, nagsapo nin lugad sa manlaenlaeng parte kan saiyang lawas an biktima na tuos idinalagan sa ospital.
Makalihis an insidente tulos man nagdulag an suspek dara an armas na ginamit kaini sa pananaksak.
Sa ngunian, nagpapadagos pa man an imbestigasyon kan mga otoridad sa pangyayari para sa posibleng pagkakadakop kan nagdulag na suspek.
