NAGA CITY– Irido an sarong solterito makalihis pagsasaksakon kan suspek sa Brgy. Vito, Siruma, Camarines Sur.
Binisto an biktima na si Niño Reyes, 19 anyos.
Sa nagunong impormasyon kan Bombo Radyo Naga napag araman na naglalakaw sana papuli sa saindang harong si Reyes kan bigla ining bagaton kan suspek na si Ariel Argente, 20 anyos asin nag-amok nin suntukan.
Sa katahawan kan suntukan bigla na sanang nagbunot nin pataron an suspek asin tulos na pinagsasaksak an biktima.
Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital.
Makalihis an insidente, tulos man nagdulag an suspek dara an armas na ginamit kaini sa pananaksak.
Sa ngunian, nagpapadagos pa an imbestigasyon kan mga otoridad sa nasmabitan ng pangyayari para sa posibleng pagkakadakop kan nagdulag na suspetsado.
