NAGA CITY– Nadukayang nakabitay ang sarong solterito sa laog kan saiyang kwarto sa saindang harong sa Purok 10, Brgy VIII, Daet, Camarines Norte.
Binisto an biktima na si Mark Don Don Enero, 18 anyos.
Sa nagunong impormasyon kan Bombo Radyo Naga napag araman an pag-abot kan biktima sa saindang harong gikan sa eskwelahan tulos ining nagdiretso sa saiyang kwarto asin nagkandado.
Makalihis an sarong aldaw na dai kaini pagluwas sa saiyang kwarto na pwersahan nang binukaan an pinto kan kwarto kaini asin duman na nagtambad an nakabitay na lawas kan biktima.
Sa inisyal na imbestigasyon kan mga otoridad napag aramang mayong foul flay sa nasambitan ng insidente asin narekober man sa lugar an surat kan pamamaaram kan biktima.
Sa ngunian, nagpapadagos pa an imbestigasyon kan mga otoridad manungod sa nasambitan ng pangyayari.
