Soltero gadan makalihis na mabagsakan kan nag-collapse na poste mantang nagba-basketball sa CamSur

NAGA CITY- Gadan an sarong soltero makalihis na mabagsakan kan nag-collapse na poste mantang nagkakawat nin basketball sa Baao, Camarines Sur.

Binisto an nagadan na si Jeffrey Buenafe, 22-anyos.

Nagkakawat suboot an biktima kaibanan an saiyang mga amigo nin basketball sa basketball court sa barangay La Medalla kan bigla na sanang mag-collapsed an poste digdi asin nabagsakan an soltero.

Tulos man na idinalagan sa ospital an soltero alagad pigdeklarar na ining dead on arrival kan mga doktor.

Sa ngonyan, nagpapadagos pa an imbestigasyon kan mga kapulisan katakod kan nasambitang pangyayari.